គណបក្សនយោបាយចំនួន១៧ ដែលគណៈកម្មាធិការជាតិរៀបចំការបោះឆ្នោត ទទួលចុះបញ្ជី

---

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បង្ហាញលទ្ធផលបណ្ដោះអាសន្នថ្ងៃទី២ នៃការចុះបញ្ជីបេក្ខជននៃគណបក្សនយោបាយឈរ ឈ្មោះបោះឆ្នោត សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥។  

គណៈកម្មាធិការជាតិរៀបចំការបោះឆ្នោត (គ.ជ.ប) បានបង្ហាញទៀតថា នៅថ្ងៃទី២នៃការចុះបញ្ជីបេក្ខជននៃគណបក្សនយោបាយឈរឈ្មោះបោះឆ្នោត សម្រាប់ការបោះឆ្នោតជ្រើសរើសក្រុមប្រឹក្សាឃុំ -សង្កាត់ អាណត្តិទី៥ គណៈកម្មការឃុំ សង្កាត់រៀបចំការបោះឆ្នោត (គឃ.សប) បានទទួលពាក្យសុំចុះបញ្ជីបេក្ខជននៃគណបក្សនយោបាយឈរ ឈ្មោះបោះឆ្នោត សរុបចំនួន ១៧ គណបក្សនយោបាយ ដែលមានបេក្ខជនសរុបចំនួន ៧០.០៤៦ រូប ក្នុងនោះស្រីសរុបចំនួន ២០.៤៥២ រូប មានដូចខាងក្រោម៖

១ -គណបក្សប្រជាជនកម្ពុជា បានស្នើសុំចុះបញ្ជីបេក្ខជនសម្រាប់ការបោះឆ្នោតជ្រើសរើសក្រុម ប្រឹក្សាឃុំ សង្កាត់ អាណត្តិទី៥ចំនួន២៥រាជ ធានី -ខេត្ត។

២ -គណបក្សភ្លើងទៀន។

៣-គណបក្សហ៊្វុនស៊ិនប៉ិច បានស្នើសុំចុះបញ្ជីបេក្ខជន២៥ រាជ ធានី-ខេត្ត។

៤-គណបក្សខ្មែររួបរួមជាតិ។

៥-គណបក្សខ្មែរស្រ ឡាញ់ ជាតិ។

៦-គណបក្សសញ្ជាតិកម្ពុជា។

៧- គណបក្សយុវជនកម្ពុជា។

៨ -គណបក្សឆន្ទៈខ្មែរ ។

៩ -គណបក្សកែទម្រង់កម្ពុជា ។

១០-គណ បក្សកម្ពុជានិយម។

១១-គណបក្សប្រជាធិបតេយ្យមូលដ្ឋាន ។

១២- គណបក្សខ្មែរតែមួយ ។

១៣- គណបក្សសំបុកឃ្មុំសង្គមប្រជាធិបតេយ្យ។

១៤-គណបក្សជនជាតិដើមប្រជាធិបតេយ្យកម្ពុជា។

១៥ គណបក្សឯកភាពជាតិខ្មែរ។

១៦-គណបក្សរស្មីខេមរា ។

១៧-គណបក្សខ្មែរអភិវឌ្ឍន៍សេដ្ឋកិច្ច ។

សូមបញ្ជាក់ថា៖ គ.ជ.ប ការចុះបញ្ជីបេក្ខជននៃគណបក្សនយោបាយឈរឈ្មោះបោះឆ្នោត សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ មានរយៈពេល ៣ថ្ងៃ គឺចាប់ពីថ្ងៃទី៤ ដល់ថ្ងៃទី៦ ខែមីនា ឆ្នាំ២០២២៕