ឯកឧត្ដម ឧត្តមសេនីយ៍ឯក ហ៊ុន ម៉ាណែត សម្ពោធដាក់ឱ្យប្រើប្រាស់ អគារទីបញ្ជាការតំបន់ប្រតិបត្តិការសឹករងកណ្តាល

---

ដោយ៖ SR276

កណ្ដាល៖ ថ្ងៃចន្ទ ទី០៤ ខែមេសា ឆ្នាំ២០២២ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និង ឯកឧត្ដម គង់ សោភ័ណ្ឌ អភិបាលខេត្តកណ្ដាល បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការ អគារទីបញ្ជាការ អគារស្នាក់នៅ និងសមិទ្ធផលនានារបស់តំបន់ប្រតិបត្តិការសឹករងកណ្តាល ។

លោកឧត្តមសេនីយ៍ត្រី នៃ និយម មេបញ្ជាការតំបន់ប្រតិបត្តិការសឹករងកណ្តាល បាន ឱ្យដឹងថា អគារទីបញ្ជាការ អគារស្នាក់នៅ និងសមិទ្ធផលដែលត្រូវសម្ពោធដាក់ឱ្យប្រើប្រាស់ជាផ្លូវការនៅពេលនេះ ជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន រួមមាន៖ អគារស្នាក់ថ្មីចំនួន០២ខ្នង កម្ពស់០២ជាន់ ក្នុងមួយខ្នងៗមានទទឹង១០,៥០ម៉ែត បណ្តោយ ៣៦ម៉ែត្រ មានផ្ទៃក្រឡា ៣៧៨ម៉ែត្រក្រឡា សរុប ២ខ្នងស្មើនឹង ៧៥៦ម៉ែត្រក្រឡា។ អគារផ្ទះបាយចំនួន០១ខ្នង ទទឹង១១ម៉ែត្រ បណ្តោយ ៤២ម៉ែត្រ ស្មើនឹង ៤៦២ ម៉ែត្រក្រឡា។

ក្រៅពីនេះនូវមានសំណង់ផ្សេងៗទៀត ដូចចា ខ្លោងទ្វារ របង និងប៉ុស្តិ៍យាមនៅមុខទីបញ្ជាការ បណ្តាញលូរំដោះទឹកជុំវិញអគារទីបញ្ហាការថ្មី ប្រវែង ២១៨ម៉ែត្រ។ ចាក់បេតុងក្នុងបរិវេណមុខអគារទីបញ្ជាការ ថ្មី និងខាងមុខខ្លោងទ្វារទីបញ្ជាការ  ទំហំ ៨០៣ម៉ែត្រក្រឡា។ ក្រាលថ្មលើផ្លូវក្នុងបរិវេណទីបញ្ជាការ ៧,៥៧៣.៧២ ម៉ែត្រក្រឡា អគារបន្ទប់ទឹកចំនួន ០១ខ្នង ទទឹង០៦ម៉ែត្រ បណ្ដោយ២១ម៉ែត្រ មាន១៦បន្ទប់ ស្មើនឹង១២៦ម៉ែត្រក្រឡា។ អគារទីបញ្ជាការ ចំនួន ០១ខ្នង កម្ពស់០២ជាន់ មានទទឹង ២៤,៥ ម៉ែត្រ បណ្តោយ៣៣ម៉ែត្រ ដែលបានចាប់ផ្តើមសាងសង់កាលពីថ្ងៃទី២៩ ខែមីនា ឆ្នាំ២០១៧ ជាអំណោយរបស់គណៈកម្មាធិការប្រជាជន ខេត្តប៊ិញយឿង នៃសាធារណរដ្ឋសង្គមនិយមវៀតណាម។

ក្នុងឱកាសនោះ ឯកឧត្តមឧត្តមសេនីយ៍ឯក ហ៊ុន ម៉ាណែ បានថ្លែងអំណរគុណយ៉ាងជ្រាលជ្រៅចំពោះអំណោយដ៏ថ្លៃថ្លាបំផុត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលលោកទាំងពីរតែងតែគិតគូរពីសុខទុក្ខរបស់កងទ័ពជានិច្ច ។

ឯកឧត្តមឧត្តមសេនីយ៍ឯក ក៏បានថ្លែងអំណរគុណដល់ គណៈកម្មាធិការប្រជាជនខេត្តប៊ិញយឿង នៃសាធារណរដ្ឋសង្គមនិយមវៀតណាម ដែលបានផ្ដល់អំណោយដ៏ថ្លៃថ្លានៅទីនេះ ៕