នគរបាលខេត្តព្រះវិហារ ចុះការពារសន្ដិសុខ សុវត្ថិភាព សណ្ដាប់ធ្នាប់ និងសម្រួលចរាចរណ៍ ក្នុងពិធីបិទយុទ្ធនាការឃោសនាបោះឆ្នោតក្រុមប្រឹក្សា ឃុំ សង្កាត់ អាណត្តិទី៥ ឆ្នាំ២០២២

---

ព្រះវិហារ ៖ នៅថៃ្ងទី៣ ខែមិថុនា ឆ្នាំ២០២២ កងកម្លាំង នៃស្នងការដ្ឋាននគរបាលខេត្តព្រះវិហារ បានចុះការពារសន្ដិសុខ សុវត្ថិភាព សណ្ដាប់ធ្នាប់ និងសម្រួលចរាចរណ៍ ក្នុងពិធីបិទយុទ្ធនាការឃោសនាបោះឆ្នោតក្រុមប្រឹក្សា ឃុំ សង្កាត់ អាណត្តិទី៥ ឆ្នាំ២០២២។

សម្រាប់យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ រយៈពេល១៤ថ្ងៃ ដែលបានចាប់ផ្តើមកាលពីថ្ងៃទី២១ ខែឧសភា ឆ្នាំ ២០២២ ត្រូវបិទបញ្ចប់នៅថ្ងៃទី០៣ ខែមិថុនា ឆ្នាំ២០២២នេះ ដោយជាទូទៅយុទ្ធនាការក្នុងរយៈពេលប៉ុន្មានថ្ងៃកន្លងទៅនេះបាន ប្រព្រឹត្តិទៅក្រោមបរិយាកាសល្អប្រសើរ គ្មានអំពើហិង្សាកើតឡើងឡើយ៕