ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយកនៃអគ្គនាយកដ្ឋានភស្តុភារនិង ហិរញ្ញវត្ថុ អញ្ជើញជាអធិបតីភាពក្នុងពិធីបើកសិក្ខាសាលាស្តីពី….
Facebook
Telegram
Twitter
Linkedin
ភ្នំពេញ៖ កាលព្រឺកថ្ងៃសុក្រ ១៤ រោច ខែ កត្តិក ឆ្នាំ ឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី ០៣ ខែ ធ្នូ ឆ្នាំ ២០២១ នៅឯណ្ឋាគាររ៉េស៊ីដង់សុខាភ្នំពេញ ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយក នៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ និងជាប្រធានក្រុមការងារកំណែទម្រង់ការគ្រប់គ្រងហិរញ្ញវត្ថុសាធារណៈ បានអញ្ជើញចូលរួមជាអធិបតីភាពក្នុងពិធីបើកសិក្ខាសាលាស្តីពី “ ការពង្រឹងការគ្រប់គ្រងទ្រព្យសម្បត្តិរដ្ឋ និងការអនុវត្តន៍ប្រព័ន្ធបច្ចេកវិទ្យាព័ត៌មាន SARMIS“។
ក្នុងអង្គសិក្ខាសាលានេះមានសិក្ខាកាមចូលរួមមកពី ៨ ស្ថាប័នរួមមាន អគ្គនាយកដ្ឋានរដ្ឋបាល, អគ្គនាយកដ្ឋានអត្តសញ្ញាណកម្ម, អគ្គនាយកដ្ឋានសវនកម្មផ្ទៃក្នុង ក្រុមប្រឹក្សានីតិកម្ម , អគ្គនាយកដ្ឋានពន្ធធនាគារ , អគ្គាធិការដ្ឋាន ,គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (NCDD), និង អគ្គលេខាធិការដ្ឋាន។
ថ្លែងក្នុងពិធីបើអង្គសិក្ខាសាលានាឱកាសនោះ ឯកឧត្តម នាយឧត្តមសេនីយ៍ បានមានប្រសាសន៍ថា ការពង្រឹងការគ្រប់គ្រងទ្រព្យសម្បត្តិរដ្ឋ និងការអនុវត្តន៍ប្រព័ន្ធបច្ចេកវិទ្យាព័ត៌មាន SARMIS គឺជាកិច្ចការសំខាន់ណាស់ និងជាផ្នែកមួយ នៃកំណែទម្រង់ការគ្រប់គ្រងហិរញ្ញវត្ថុសាធារណៈ។ ក្នុងរយៈពេលប្រមាណជាពីរឆ្នាំមកនេះ កិច្ចការមួយចំនួនត្រូវបានផ្អាកដំណើរនិងមានបុគ្គលិក ២០% ប៉ុណ្ណោះនៅការិយាល័យ ព្រោះដោយសារងាកទៅប្រយុទ្ធប្រឆាំងកូវីដ-១៩។ ប៉ុន្តែ បច្ចុប្បន្ននេះយើងបានបើកប្រទេសឡើងវិញក្រោមការដឹកនាំដ៏ឈ្លាសវៃប្រកបដោយគតិបណ្ឌិតរបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បន្ទាប់ពីបានចាក់ស្រោចស្រពវ៉ាក់សាំងពេញផ្ទៃប្រទេស។
ឯកឧត្ដម នាយឧត្តមសេនីយ៍ អគ្គនាយកនៃអគ្គនាយក បានគូសបញ្ជាក់ថា នេះជាដំណាក់កាលទី៣ នៃការកំណែទម្រង់ ហើយ ឆ្នាំ ២០២៣ យើងចូលដល់ដំណាក់កាលទី៤ នៃការកំណែទម្រង់។ ឯកឧត្ដម នាយឧត្តមសេនីយ៍សង្កត់ធ្ងន់ថា សម័យនេះគេងាកទៅប្រើបច្ចេកវិទ្យាព័ត៌មានភាគច្រើន ហើយយើងក៏ដាក់ឲ្យសាកល្បងប្រើប្រព័ន្ធបច្ចេកវិទ្យាព័ត៌មាន SARMIS នេះផងដែរ។ ដូច្នេះ តម្រូវឲ្យយើងធ្វើតាមឯកសារការសរសេរផង និង ត្រូវវាយជា Soft ចូលក្នុងប្រព័ន្ធនេះផង។ «រឿងនេះក្រសួងពាក់ព័ន្ធ គឺលែងភូតកុហកបានទៀតហើយ។ ការគ្រប់គ្រងតាមប្រព័ន្ធនេះ គឺ បង្កើនឲ្យមានអភិបាលកិច្ចល្អ, បង្កើនប្រសិទ្ធភាព,តម្លាភាព, ភាពស័ក្ដិសិទ្ធិ,និងគណនេយ្យភាព។ មួយទៀត វាជួយផ្ទៀងផ្ទាត់ចំណូល-ចំណាយដ៏ត្រឹមត្រូវ។ ការងារនេះជាឧត្ដមប្រយោជន៍នៃប្រទេសជាតិរបស់យើង»។
អ្នកថត យ៉ែមបូណា អត្ថបទ ឆន ទិត្យ
